Rukutia: He Kohinga Toikupu
Aperahama Hurihanganui
He kohinga tuhinga auaha – koinei te pukapuka toikupu tuatahi i te reo Māori.
Mō te auahatanga, kāore he painga ake i ngā tīpuna Māori. He tohunga rātou ki te raranga i te whakaaro, ki te whakairo i te reo, me te whakaniko i te kupu. Kāore i kō atu, kāore i kō mai i ā rātou titonga mōteatea, haka, tauparapara, karakia, aha atu, aha atu – inā kē te kounga! Ko te reo titonga o ngā tīpuna Māori te kaiwhakaaweawe i te reo toikupu o te kaitārai kōrero nei, o Aperahama Hurihanganui. Tomokia mai nei te waharoa o tā tātou pukapuka kia wānanga tahi ai tātou. Rukutia kia ū!
Kua hau te rongo o ngā toikupu a Aperahama, ka mutu, ko ia hei kaiwhakaihuwaka ki ngā whakataetae tuhinga auaha. Ko tēnei te tuatahi o ngā pukapuka toikupu, ko ōna kōrero katoa i tuhia ki te reo Māori, arā, kārekau he whakapākehātanga, kīhai hoki a Aperahama i whakamāori i ngā toikupu a ētahi atu.
Ka tōia mai nei e Aperahama ngā wheako huhua o tōna ake ao me te ao Māori whānui tonu hei kaupapa tuhi māna, pēnei i ngā āhuatanga ōkawa – tangihanga mai, tikanga mai, tae atu rā ki ngā take o te wā – tōrangapū mai, A.I. mai, tatū mai nei ki ngā mahi o ia rā – paeāhua mai, inu kawhe mai. Nō reira e te hunga kōrero Māori, kuhuna mai te tatau o te whare kōrero nei e rangona ai, e kitea ai ngā whakaaro me ngā kare ā-roto e iriiri nei i ōna pātū. Rukutia kia mau!
—
In waiata and haka, tauparapara and karakia, the rich poetry of te reo Māori has filled wharenui and echoed across marae from the tīpuna to today. Now, for the first time, here is Rukutia, a collection of original poetry entirely in te reo Māori.
Written by award-winning author Aperahama Hurihanganui, Rukutia takes the reader on a journey through the waharoa, across the marae ātea, and into the wharenui to wānanga the important kaupapa that adorn its walls. Throughout, Aperahama brings readers a rich variety of Māori experience and expression: from grieving the dead to the love for his son, from politics to A.I., from kapa haka to his morning cup of tea.
‘Tino rangatiratangatia tō reo’, Te Arikinui Kuini Nga wai hono i te po urged in her first kauhau to the nation. Rukutia will enable the increasing number of reo Māori speakers, from beginners to experts, to dive into the thoughts, emotions and experiences relating to te ao Māori through our own language.
Te Kaituhi / Author
Aperahama Hurihanganui (Wairarapa, Te Arawa, Te Tai Rāwhiti).
He ihu puta a Aperahama nō te kōhanga, nō te kura kaupapa, nō te kura auraki, nō Raukura, nō Te Whare Wānanga o Waikato, nō Te Pōkaitara anō hoki. He rōia ia i ngā tau o mua, ā, i ēnei rā, he tumuaki ia ki Engaging Well Ltd e kōkiri nei i ngā kaupapa huhua e pā ana ki te Tiriti o Waitangi, ki te purenga ihomatua, me te ao Māori. I te tau 2023 me te tau 2025 ka riro i a ia te Tohu Pikihuia mō te toikupu reo Māori. Koinei tāna pukapuka tuatahi. Hāunga te tuhinga auaha, ko ana kaingākau ko te whai i te ara hauora me te hākinakina, ko te noho ki tātahi, me te hararei ki ngā wāhi papai o te ao. Kāore i kō atu i tōna aroha nui ki tōna whānau.
—
Aperahama Hurihanganui (Wairarapa, Te Arawa, Te Tai Rāwhiti) is a graduate of kōhanga, kura kaupapa, Rotorua Boys’ High School, and the University of Waikato. He holds qualifications in law (with First Class Honours) and arts (Te Reo and Tikanga Māori), and is a recent graduate of Te Pōkaitara, the Ngāti Kahungunu Academy of Excellence in Tikanga and Te Reo Māori. Aperahama is a director of Engaging Well Ltd with his father, specialising in Te Tiriti, decolonisation and te ao Māori. In 2023 and 2025, Aperahama won the Pikihuia Awards for best poetry in te reo Māori. This is his first book and debut poetry collection. Outside of creative writing, Aperahama enjoys keeping fit and healthy, spending time near the ocean, and going on holidays overseas. Aperahama loves his whānau dearly.
Endorsements
‘Kua kitea tētehi hōhonutanga whakaaro e kore pea te tangata e whakapono kei roto i a koe. I kata, i whakamīharo, i aroha, i koa, i riri hoki au i ēnei titonga, tuhinga āu.’
— Jarred Boon
‘He KOUNGA katoa! Whakamīharo ana te pānui atu, ngākau rekareka ana, kāre aku whakatikatikahanga, aku whakanikonikotanga. Mai i runga ki raro, kauwae runga ana. Mīharo katoa.’
— Te Korou Whangataua
‘Nōku katoa te maringanui ki te tomo ki tēnei whare. Nō ōku mata te waimarie, nō tōku waha te momoho, nō tōku whatumanawa te māngari, āe mārika! Ka wai mai a kamo, ka kata a waha, ka riri a puku, ka pūwhewhero a pāpāringa, ka tūmanako a ngākau i te auaha me te tau o ō Aperahama whakaaro. Mā ana toikupu a toireo e toiora ai e! Rukutia!’
— Te Kirikāhu Kristin Ross
‘Arā kē te mahi a te kura. Kei a koe katoa! Ko te kaituhi pai ki a au, ko te kaituhi ka maharatia, kaua anake mō te pai o te whakairo kupu, engari kē ia, mō tā te kaipānui i rongo ai, nāna, nā te kaituhi. He kupu whakaroimata. Whakapono ana au, koia tēnei ko tā te wā i tohu ai – kia whakaputahia e koe tētahi taonga pēnei te hirahira.’
— Paiheretia Aperahama